مرحباااااااا
الحب .. هو الشعور الوحيد .. الذي يجعلك تحب شخصا .. قد تعلم بانك لا تستطيع الوصول اليه .. او حتى رؤيته .. لكنه يبقى .. اجمل احساس في الدنيا ... فكتبت لها ...
العنتر
وك راح اجن ....
قلي غرامك لو غضب؟
قلي عيونك لو سجن .....
وك راح اجن ...
انه اسكر بهم العشك ...
و انته اشو دومك رزن ؟
وك راح اجن ...
ضاع العمر كله انكظى
هم و بجي .. و لحني شجن
و انته على اوتار القلب ..
تعزف الك اجمل لحن ....
وك راح اجن ...
قلبي طفل , مل البجي
مشتاق .. و ايدينك حضن
يعني شوكت ؟ قلي شوكت ؟
يا منيتي يمته تحن ؟
مليت اون ...
حطيتلي بجفة العشق ...
و بجفة حطيت الحزن ..
تاه الوزن
مدري انه ميزانك ردي
مدري تغش بيه اظن!
شوية عشق .. كومة الم
و تكلي مضبوط الوزن !
وك راح اجن
شاهين و عندك بالقفص
و رضيت تنطيني دِخن !
و عندك جكارة اني صرت
احركني .. و قليبي التتن
بس مرة حن ...
اطحني يا اجمل رحى
تدريني ما مل الطحن
و شما صرت ناعم انه
ارجعلك انوبة خشن !
بس مرةحن ....
لو اني مجرم بالهوى ...
استسلمتلك يا امن
عذبني بيدك لو ردت ...
و هاك الضلع و اسحن سحن ....
بس مرة حن ...
و اسقيني من كاسك فرح
خل كاسك و كاسي يرن ...
و بسلامتكم
العنتر