لتكولولي انتهى
لتكولولي راح وضى
و لا تغطون العيون
لا تسبلون العيون
لتكولولي راح الحنون
ذاك اليوم جان طفل
وشلون جان يعزف لحن
وانتم تكولولي ابتعد
خايفين على دموعي ؟
ولكم من راح تحجرن دموعي
و البواجي مترجع الي راح
بس خلوني احضنه
بلكي روحي تروح منني
بلكي موتي ينهي حزني
عوفوني اطبع على خدوده بشفافي اخر ذكرياتي وياه
وانه الي اسبل العيون باديه
واجفنه والفه مثل اجمل هديه
وابتعدوا انتوا هذا مني
لتخافون عليه
المشاعر ماتت وياه
واني صدكوني راحل
راحل اليوم وياه