عباس جسجان .. منته وحيد .. روعه

السلام عليكم ورحمة الله وبركاته
قصيدة رائعه بصوت الشاعر عباس جيجان

http://www.2shared.com/file/1764166/2e430e58/__online.html

طريقة التحميل : اضغط على الرابط وانتظر قليلا ثم اضغط على
save file to your pc click here

وهذه كلمات القصيدة

انت العين واقرب من جفنها انت

انت الوالد اليحظن بديه وليدة وبنتة

وما انت وحيد ... انت الشعب كلة بشيعتة وسنتة

منهو الكاك ناسيك هم ينسى الكَمر وكتة

لو نبض الكَلب يتنكر لدكتة

بس عشكَك عشكَ مفضوح (عشك=عشق)

وعشك الناس كلها مساتر وسكتة

صرت انت سبت وبركَبة يهودي

هم شايف يهودي يجوز من سبتة

انت الفارس اليسبق هبوب الريح

وما اظن خيل سابقتة

وانت انت يرهم ترابك كحل للعين

ودوا للما شفت علتة

ومن طينك نحني جفوف المعرسين

وكل اصبع فرح من تك طكَتة

وانت ريحة ترابك ترد الروح

هيل وزعفران وعنبر بشمتة

ومثل تراب كاعك مالكَينا تراب

يرهم للصلاة من طينة تربتة

انت ينام بيك المرتضى الكرار

ابو الحسنين التلوذ الناس كلها بشارتة وبختة

وانت ينام بيك بكربلاء حسين

الما باع نطاقة وسلم ركَبتة (رقبتة)

وبيك ظلت شارة العباس

لمن طاح ..... نزلة الفرات وباسة من شفتة

من طلعت منك يوم طرني البين

كلبي وياي ماجبتة اثاريني نسيتة هناك عندك كَلبي امنتة

شتلتة بجرف دجلة الخير

وي سباح الشواطي شربكَتة

وامتدت عروكَة بوسط ذيج الكاع (عروكَة=عروقه)

ومن ماي الفرات ودجلة عمدتة

ولمن صار ينقل جدمة بين الناس

اخذتة وياي للكاظم على الشباك زورتة

صح هسة اصبحت من وطن نذرلاند

هولندي الهوية وشعري جللتة (شعر الراس بالجل)

وصح تاقلمت وية الغرب فد نوب

وصرت ماصخ مثلهم والملح عفتة

وصح كمت ارطن رطنهم لمن يرطنون

ولسان العرب بالاعجمي كسرتة

لكن مدري شي يصير بية من يمر طاريك

احسة انك دفو تموز وسط شته

واثاريني مثل طبع النخل لو طال

يرجع للاصول وتنحني شعفته

العالم نسى ايام اهدعش من ايلول (اهدعش= 11)

وصارت بيك وبيك سالفتة

ناس تكول لازم نحتوية ونشفط البترول

ونعوض الراح ونسرق بركتة

وناس تكول لازم هالحصار يدوم

وناس تكول لازم ننزع اسلحتة

وناس تكول خطية اطفالة ماتو من الجوع

وناس تكول حيل وياه ما حمد ربة وشاكر نعمتة

وانت بين هذا وذاك صاير شبح لليهوى

وياهو الكام ضدك سدد تفكته

جيف انت حلو والدول منك تغار

ما عدهم العندك من مجد نلتة

انت اول وطن ادم وضع جدمة علية وكال يا الله ولنك وصلة من جنة

انت اول وطن حبه النبي ابراهيم ودعا ربة يصونة برحمتة وعزتة

وانت اول وطن مرسى لسفينة نوح

وانت اول وطن النبي ايوب ناخت بيك راحلتة

وانت اول وطن علم العالم ابجدية ويكتب التاريخ

وانت اول وطن قانون سننتة

انت اول وطن كالتلة الشمس يمة صباح الخير

ولو رادت تمسي تمسي يم گبته

انت اول وطن ماتشبة الاوطان

مدري شلون ربك خالقك

سبحان ربي شلون صورتة

صورتة العراق وبس علينة يلوكَ

واحنة نلوكَلة لمن يحن وكتة

هذولة اهل الغدر من عندك شيردون

يا هو صاح منهم ما اجو عندك

جان جيبك موس الك لمن العرب ينخوك

عزيز المال هيج وهيج طشرتة

لمن طحت محد اجى وكال عدعيناك ونزفك مثل دمع الشمع سقتة

بقيت وحيد مدمي بساحة الميدان واطفالك عليك بصفك ينوحون

وانت تون ولا مثلك قبل مذبوح ونونتة

توجيت على جرحك كمت ما اهتميت

خاف الشامت يشوفك طريح ويشتفي بشمتة

طبع بيك المكابر اكبر من الاه (بس)

واكبر من غدرهم يا بختك انتة

جم غازي مر عليك وراح

وتمر علية السنين ومتعمر بذلتة

صفو بالمزبلة ويلعنهم التاريخ

تراب بلادنة يرفض جدم الغازي والمحتل

تراب بلادنة غالي واغلى من عدنا

منقول

عنتوررررررررررررررررر
تسلم والله على القصيده
ومنتضرين جديدك